محمد أمين الحمزاوي في بودكاست إعترافات عميقة مع نوال بيزيد:

انا ووليد مطار نتفاهمو و souple وflexible وصنايعي ونتمنى لأي ممثل تونسي ولا اجنبي انو يتعامل معاه خاطر يخدم ويتعلم

في الانقطاع اللي صار كنت بين شوية اعتكاف وشوية خدمة، حليت حانوت فريب، خمدت مصور، خذيت شهادة نراني بيها كورة وكورت في الـ division 3 و 4، عملت برشا جو وعملت الحاجات اللي نحبهم

نفد من اني نكون personnage public وقتلي يولي فيها الهرج والقلق مثلا كي تحب تقعد على راحتك انت وناسك واماليك، باهية محبة العباد اما كي تدخل في القلق تفرعسك شوية

وصلت لمرحلة متاع ندم قلت؛ يلعن بو هالعملة

اللي خلاني نبعد انو الحكاية ما تخلصش، بين الهرج متاع الخدمة (الموزيكة) وحقك فيها ماهوش مقابل بعضو

سمعت اللي قالوا عليا مخونج وار.هاب اما ما قلقتنيش، انا وقتها نلعب في البلايستايشن، نتجاوز قول اللي تحب وانا نعمل اللي نحب

انا عمري ما قلت اللي انا بطلت، جبدت روحي وقعدت نتفرج

المستقبل نخليه للتطلعات الالاهية، كي يبدا عندي فريق باهي وراكح في مخي علاش لا ما نرجعش للراب 50/50

جاوا قالولي هيا نخدموا وكي تجي تعمل الحسبة بينك وبين روحك تلقاهم des profiteurs، des arnaqueurs ويظهرلي الحياة تكربسنا فيها، موش وقت تضييع وقت

كي نتعامل مع عبد نحب نربحو ونحب نربحو برشا اما اعطيني عباري في الموضوع

ما عندي حتى ربع لهفة اني نرجع

اللي يكعبرهالي نفرح يبينلي اللي انا بوجادي ومزال عندي ثغرات

يغيضني علخر اني نلقى الستاد ماهوش معبي كيما قبل ، سيب اللعب

وتغيضني علخر حكاية الڨروبات اللي يخضوا في بعضهم من نفس الجمعية، وقيّت باش نتنظموا ووقيّت متاع محبة

كي نبدا وحدي نعمل برشا نقد للذات

علاقتي ببابا les moments المزيانين شوية اما مع امي j’ai profité

الموهبة وحدها ما تكفيش يلزم الخدمة

الـ potentiel اكبر من دولة كاملة، تونس ولادها اكبر منها

نرا في برشا افكار، créativité، ناس من حتى شي تخلق في كل شي، الناس لكل تحب تخدم تحب تتحرك تحب تعيش، ما يحبش يكون في حاجة للآخر وهوما اقوى من السيستام وهو اللي يخدم عنا موش العكس

كان دولابك ما يدورش في بلادك وين باش تمشي، تونس باش تولي معمل متاع تصدير potentiel

انا نشوف اللي الشباب اللي يلقى خيط متاع ربح سريع ويشوف في عايلتو كيفاش نتصور باش يزدم في ظل السيسيتام هذا

الـ Bling Bling في الراب التونسي انا نراه ما يواتيناش

السيستام عندو نوع من الغباء انو ماهوش يلقى في حلول مع المستثمرين

في فيلم قنطرة الشخصيات تحطوا في circuit متاع drogue

شخصية “فؤاد” (حمزاوي) باش يوصل يحس انو من غير المخدرات حكايتو فارغة

فيلم “قنطرة” فيلم عائلي

جرب حاول خالط وابعد عالكذاب ومزال الخير في الدنيا

عندي فيلم جديد نمثل فيه معلم وعندي كاميرا خفية انا المنشط متاعها